Sui 200 anni della nascita del tricolore.
«Res, set de sner 1997 (duseint an ed tricolor)
Cus’ini chi squei che seint river
da un portegh a c’l’eter d’la site’?
l’e’ la Fanfara di Bersaglier
c’la cor e souna in velocite’
As festegia la bandera tricolora:
propria che a Res la fu presenteda
l’e’ duseint an dai de d’alora
pio che giost c’la vegna onoreda.
Per al nom ed c’la bandera
s’e’ cumbatu, s’e’ fat la Nazioun:
prema al re cun la regina gh’era,
po’ e’ ste’ fat la Costituzioun!
Per un po’ c’fo la destra al gueren,
po’ c’fo anca i socialesta,
ma al Tricolor fo semper al peren,
la Bandera l’e’ sol questa.
Anca ed frunt ai cambiameint
al Tricolor cunvin ed tgnir
sia in di nov regolameint
che in d’l’Europa c’a’ da gnir!
di Giovanni Zanti
| < Prec. |
|---|
