«Al divòrsi

Al mond a gh’è di agìnt ch’in bein curiòs:
i han fàt un pass, i l’han sbalièe, in caschèe,
s’in ròt la tèsta al dè chi dvintèn spòs,
e i reclàmn’al divòrsi e libertèe
’d préres spusèr incòra cun ch’igh pèer;
’na ragioun ch’an nem pèer ch’la staga in pée:
cm’a s’pòl fèr, porco mondo, a rimedièer
a un sbàli ch’a s’è fàt, turnandgh’a drée?»

di Gastone Tamagnini

Pubblicata su «2 parole in famiglia»
(bollettino parrocchiale di Mandriolo)
anno 1968.