In occasione del matrimonio del figlio Fabio (2006).

«Me fiol al s’è spusè

A v’anunci che me fiol al s’è spusè:
l’ha tolt su la so’ roba e po’ l’è ande’!

l’è ande’ a fer la so fameia,
sperom propria c’al s’inveia...

e come peder intend ed ringrazier
tot i parochian che i l’an vru aiuter.

Al me ricord al va al teimp ch’è ste’
Quand in Parochia, Fabio, l’ho purtè.

Lo’ lera apeina un ragasol:
al g’ha avu di brev educator.

I l’han iutè a formeres, a esser generos
vers i più cech e vers i bisognos.

Per quendz’an le gnu cun me a suner
e per la so bravura al s’è fat nuter...

e anch a la svelta al s’è lauree’
e come "teneint" l’ha fat al suldè.

Po’ l’è ande’ a Modna a cater lavor
E propria lè deinter l’ha catè l’amor...

Or al va ster dal perti ed Castelveder
Per un po’ al ne s’fa "menga" veder...!»

di Giovanni Zanti

Testo tratto da «2 parole in famiglia», bollettino parrocchiale,
edizione dicembre 2006.

< Prec.		Succ. >