II° premio della Fabbriceria del tempio della Ghiara nell’ambito della 16° “Giarèda”, Reggio Emilia - 5 settembre 1996.
«Al mirachel ed Marchino
Se Marchino al pres turner,
cus al pres turner a dir?
Al n’arè tanti da guarder
ch’al prè turner a mutolir!
Da la sira ch’l pergheva
snoc in tera, zunti al man,
e la Madona l’sculteva,
l’è pasé quaterseint an!
Se cun l’us ed la parola
la so feid la fo premieda,
as pol dir che propria alora
a cuminceva la «Giareda».
E la Basilica d’la «Gera»
propria lè la fo inalzeda,
do’ Marchin steva in preghiera,
e la fo anca decoreda.
E i arzan, testi quadredi,
in di secol n’an cumbiné:
beli, broti, scumpagnedi,
ma d’la «Gera» sin mia scurdé.
Propria st’an i l’an ripulida
i l’an armesa al so splendor,
l’è na cosa bein cumpida,
l’è ste fa un bel lavor!
Anch Marchin pol eser cunteint,
se l’amor ed la so Madona
i arsan in l’an tgnu in meint;
in tot bouna gint: insoma!»
di Giovanni Zanti
Testo tratto da «2 parole in famiglia», bollettino parrocchiale,
edizione dicembre 1996.
| < Prec. | Succ. > |
|---|
